वासिंटन डिसी । सामाजिक सञ्जाल फेसबुकले अमेरिकी राष्ट्रपति डोनाल्ड ट्रम्पमाथि कारवाही गरेको छ । फेसबुकका संस्थापक तथा प्रमुख कार्यकारी अधिकृत मार्क जुकरबर्गका अनुसार राष्ट्रपति रहुन्जेल फेसबुकमा ट्रम्पले फेसबुकमा कुनै पनि पोष्ट गर्न नपाउने गरी कारवाही गरिएको हो । जुकरबर्गले बुधबार संसद भवनम ट्रम्पको उक्साहटमा उनका समर्थक फैलाएको हिंसापछि उनलाई फेसबुकको सेवा दिइरहनु चुनौतीपूर्ण हुने उल्लेख गरेका छन् ।
ुराष्ट्रपतिलाई बाँकी समय पनि हाम्रो सेवा दिइरहनु निकै चुनौतीपूर्ण छ भन्ने लाग्छ, उनले भनेका छन्, शान्तिपूर्ण रूपमा सत्ता हस्तान्तरण नभएसम्म फेसबुक र इन्स्टाग्राममा उनीमाथि लगाइएको प्रतिबन्ध जारी रहनेछ। अर्को सामाजिक सञ्जाल ट्वीटरले बुधबारको संसद हिंसापछि ट्रम्पको ह्यान्डल १२ घन्टाका लागि लक गरिदिएको छ ।
त्यसपछि भने उनको ह्यान्डल खोलिएको छ । त्यसपछि उनले ट्वीटरमा भिडिओ पोष्ट गरेका छन् जहाँ जनवरी २० मा आफूले बाइडेन प्रशासनलाई शान्तिपूर्ण तरिकाले सत्ता हस्तान्तरण गर्ने उल्लेख छ ।