वासिंटन डिसी । अमेरिकी राष्ट्रपति डोनाल्ड ट्रम्प नवनिर्वाचित राष्ट्रपति जो बाइडेनको सपथ ग्रहण समारोहमा नजाने भएका छन् । आगामी जनवरी २० नयाँ राष्ट्रपति जो बाइडेनको शपथग्रहण समारोह हुने छन् । ट्रम्प स्वयमले यस्तो घोषणा गरेका हुन् । नयाँ राष्ट्रपतिको शपथग्रहण समारोहमा निवर्तमान राष्ट्रपति उपस्थित भएर औपचारिक बधाइ दिने प्रचलन रहेको छ ।
तर, ट्रम्पले शुक्रबार ट्वीटरमार्फत् यस्तो घोषणा गरेका हुन् । यसअघि ट्रम्प समर्थकले बुधबार संसद भवनमा हमला गरेका थिए । नयाँ राष्ट्रपति बाइडनको शपथग्रहण कडा सुरक्षाबीच हुने भएको छ । घटनापछि ट्रम्प ट्वीटर, फेसबुक, स्न्यापच्याट, इन्स्टाग्राम लगायत सामाजिक सञ्जालले ट्रम्पमाथि निषेध गरेका थिए ।