काठमाडौं । चन्द्रागिरि हिल्स लिमिटेडको साधारण शेयर भर्ने सबैले चन्द्रागिरिको टिकट मूल्यमा २५ प्रतिशत छूट पाउने भएका छन् । बुधबार सम्पन्न ११ औँ वार्षिक साधारण सभाले यस्तो निर्णय गरेको हो । साधारण सभामा कम्पनीको वित्तीय अवस्था, मुख्य उपलब्धि तथा कम्पनीको भावी योजना प्रस्तुत गरिएको छ ।
साधारण सभाको अवसरमा चन्द्रागिरि हिल्स लिमिटेडले स्थानीय तथा सर्वसाधारणका लागि आह्वान गरेको साधारण शेयरमा आवेदन दिने सबै आवेदकलाई केबलकार यात्रामा २५ प्रतिशत छुट दिने व्यवस्था गरेको हो ।
शेयरमा देखिएको उल्लेखनीय सहभागिता, सबैलाई शेयर पर्ने सम्भावना न्यून रहेको हूँदा सबै आवेदकको सम्मान गर्दै यो योजना सार्वजनिक गरिएको कम्पनीका अध्यक्ष चन्द्रप्रकाश ढकालले जानकारी दिएका छन् ।
चन्द्रगिरि शेयरमा आवेदन दिने १२ लाख ५६ हजार सात सय ४६ जना आवेदकले शेयर भर्दाको कुनै न कुनै प्रमाण छुट सुविधाका लागि टिकट काउन्टरमा देखाउनुपर्ने भएको छ । यो योजना यही माघ ५ गतेदेखि एक वर्षसम्मका लागि मान्य हुने भएको छ ।