मुराबाद । भारतको उत्तर प्रदेशमा बस र ट्रक ठोक्किएर भएको दुर्घटनामा कम्तिमा १० जनाको मृत्यु भएको छ । दुर्घटनामा १५ जनाभन्दा बढी घाइते भएको भारतीय संचारमाध्यमले जनाएका छन् । मरादाबाद आगरा राजमार्ग अन्तर्गतको हुसैनपुर पुलियामा ट्रकले बसलाई ओभर टेक गर्ने क्रममा दुर्घटनामा परेको बताइएको छ ।
दुर्घटनामा घाइते भएकामध्ये केहीको अवस्था गम्भीर रहेका कारण मृतकको संख्या अझ बढ्न सक्ने बताइएको छ । घाइतेको मुराबादका स्थानीय अस्पतालमा उपचार सम्भव नभएपछि अन्यन्त्र रिफर गरिएको छ ।
उत्तर प्रदेशका मुख्यमन्त्री योगी आदित्यनाथले दुर्घटनामा ज्यान गुमाएकाका परिवारलाई जनही दुई लाख भारतीय रुपैयाँ राहत दिने र घाइतेलाई जनही ५० हजार भारतीय रुपैयाँ आर्थिक सहयोगको घोषणा गरेका छन् ।