कोभिड -१९ को कारण बन्द भएको गोकर्णेश्वर नगरपालिका वडा नं ३ स्थित गाम्चामा रहेको स्वास्थ केन्द्रको स्वास्थ्य सेवा एक कार्यक्रमका बिच पुन सुचारु गरिएको छ।सामुदायिक विकास समाजबाट संचालित सामुदायिक स्वास्थ्य केन्द्रको आंशिक रुपमा संचालित स्वास्थ्य सेवा कार्यक्रम विश्व भरी महामरिको रुपमा फैलिएको कोरोना भाइरसको कारण बन्द गरिएको थियो।
गोकर्णेश्वर नगरपालिकाको आर्थिक सहयोगमा संचालित स्वास्थ्य केन्द्रको सेवा पुन शुभारम्भ कार्यक्रमको सभापतित्व सामुदायिक बिकास समाजका अध्यक्ष गम्भिरमान श्रेष्ठले गरेका थिए भने नगर प्रमुख सन्तोष चालिसेको प्रमुख आतिथ्यतामा कार्यक्रम सम्पन्न गरिएको थियो ।
गोकर्णेश्वर नगरपालिका वडा नं ३ का वडा अध्यक्ष राजेन्द्र कुमार भण्डारी,वडा सदस्य लक्ष्मी भण्डारी,वालुवा स्वास्थ्य शाखा प्रमुख लेखराज निरौला,समाजसेवी किरण बहादुर बिष्ट,गोकुल बिष्ट,हर्क बहादुर तामाङ,रवि कुमार पौडेल,कृष्ण प्रसाद भण्डारी,श्याम राज गौतम,स्थानिय संघ-संस्था महिला समुहका प्रतिनिधि लगायत स्थानिय जनसमुदायहरुको शुभारम्भ कार्यक्रममा उपस्थिती थियो।
कार्यक्रममा शुभकामना मनतव्य दिदैं नेत्र बिशेषज्ञ रबि कुमार पौडेलले आफुले महिनामा एक चोटि निशुल्क नेत्र शिविर संचालन गर्ने प्रतिबद्धता समेत जनाए।स्वास्थ्य नै सबैभन्दा ठूलो धन हो,स्वास्थ्य सेवालाई स्थानियहरुको लागि जिवन्त होस् भनी नगरपालिकाबाट दुई जना स्थायी कर्मचारी दरबन्दी सहितको व्यवस्थापन गराएर स्वास्थ्य केन्द्रको पुन शुभारम्भ गर्न पाउँदा आफू हर्षित भएको बताउदै नगर प्रमुख चालिसेले “कर्मचारीलाई स्थानिय जनसमुदायको उत्कृष्ट सेवा पुर्याउन आग्रह गरेका थिए “।
गोकर्णेश्वर नगरपालिका स्वास्थ्य शाखाबाट निशुल्क औषधि उपचारको व्यवस्था साथ शुभारम्भ स्वास्थ्य सेवाबाट स्थानिय जनसमुदाय प्रत्यक्ष रुपमा लाभान्वित हुने अपेक्षा गरिएको छ ।