काठमाडौं । प्रधानमन्त्र केपी शर्मा ओलीले आज राजधानीमा शक्ति प्रदर्शन गर्दैछन् । राजधानी आसपासका जिल्लाबाट मानिस ल्याएर उनको दल नेपाल कम्युनिस्ट पार्टी (नेकपा)ले शक्ति प्रदर्शन गर्न लागेको हो । यसअघि प्रचण्ड, माधव समूहले काठमाडौंमा यसैगरी शक्ति प्रदर्शन गरेको थियो । ओलीको प्रदर्शनको अघिल्लो दिन विरोधी खेमाले आम हडतालसमेत गरेको छ ।
ओलीको प्रदर्शन भने आज नारायणहिटी दरवार अगाडि गर्न लागिएको हो । सभालाई कामचलाउ सरकारका प्रधानमन्त्री केपी शर्मा ओलीलगायत मन्त्री र नेताहरुले सम्बोधन गर्ने भएका छन् । कार्यक्रमको प्रचारका लागि युवा संगठनले बिहीबार साँझ काठमाडौंमा मार्चपास गरेको थियो । काठमाडौंमा विभिन्न १३ ठाउँबाट प्रदर्शन गरिने भएको छ । यसले आज दिनभर राजधानीको ट्राफिक व्यवस्थापन अस्तव्यस्त हुनेछ ।