बारा । बिहीबार नेकपाको आमहड्तालका दौरान ड्युटीमा खटिएका बेला बेहास भएका सशस्त्र प्रहरी निरीक्षक नारायणसिंह ऐरको मृत्यु भएको छ । नेपाली संचारमाध्यमहरुका अनुसार बोर्डर आउट पोष्ट कबहीगोठ बारामा कार्यरत सशस्त्र प्रहरी निरीक्षक ४५ वर्षीय नारायणसिंह ऐर बिहीबार ड्यूटीमै खटिएका बेला बेहोस भएका थिए । उनको घर दार्चुला लेकम गाउँपालिका ३ हो ।
चिकित्सकहरुका अनुसार उनको हृदयघातका कारण ज्यान गएको छ । सशस्त्र प्रहरी बल दुई नम्बर प्रदेशका अनुसार बिहीबार दिउँसो आमहड्तालमा ड्युटीमै खटिएका बेला उनी बेहोस भएका हुन् । त्यसपछि उनलाई तत्कालै कलैया अस्पताल लगिएको हो ।
त्यहाँ उपचार सम्भव नभएपछि उनलाई वीरगञ्जस्थित नारायणी उपक्षेत्रीय अस्पताल लगिएको थियो । उक्त अस्पतालले समेत काठमाडौं लैजान रिफर गरेपछि हेलिकप्टरबाट काठमाडौं लैजाने तयारी गर्दैगर्दा उनको ज्यान गएको बताइएको छ ।