काठमाडौं । नेपालमा नयाँ चालक अनुमतिपत्र लिन पाँच लाख भन्दा माथिको आवेदन परेको छ । नेपाली संचरमाध्यमहरुका अनुसार देशभरका यातायात व्यवस्था कार्यालयमार्फत परीक्षामा सहभागी हुन उक्त सख्यामा आवेदन परेको हो । त्यसो त सरकारले एक वर्षयता लाइसेन्स वितरण गरेको छैन ।
११ चैतमा लकडाउन शुरु भयो । त्यसपछि नयाँ चालक अनुमतिपत्रका लागि आवेदन लिने काम स्थगित भएको हो । १० महिनापछि खुलेका कारण एकै पटक चाप परेको देखिएको छ ।
यातायात व्यवस्था विभागका अनुसार अहिले सेवाग्राहीले २४ घण्टा र सातामा सात दिन नै अनलाइन फारम भर्न सक्छन् । गत पुसमा अनलाइन फारम लिन थाल्दा विभागले निश्चित समयभित्र मात्रै भर्नुपर्ने व्यवस्था गरेको थियो । निश्चित समय मात्रै हुँदै धेरै सेवाग्राहीले एकै पटक भिड भएकाले सेवाग्राहीले फारम भर्न सकेका थिएनन् ।