काठमाडौं । नेपाल कम्युनिस्ट पार्टी (नेकपा) दाहाल–नेपाल समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओली क्याविनेटका दुईमन्त्री आफ्नो पक्षमा फर्किने तयारीमा रहेको खुलासा गरेका छन् । समूहले मंगलबार राजधानीमा आयोजना गरेको विरोध सभालाई सम्बोधन गर्दै उनले यस्तो जानकारी गराएका हुन् ।
प्रचण्डको यो उद्घोस सत्य भए पनि नभए पनि यसले क्याविनेटमा खुलेर आफ्नो रणनीति बारे बोल्न प्रधानमन्त्रीलाई भने मुस्किल हुने देखिएको छ । किनकी प्रचण्डले ओली समुह छाडेर आफ्नो समुहमा आउने मानिसको लर्को लागेको भन्दै त्यसमा दुई मन्त्री समेत रहेका बताएका छन् ।
उनले प्रतिनिधिसभा विघटनका पक्षमा कोही पनि नरहेको समेत बताएका छन् । प्रचण्डले ती मन्त्रीको नाम भने खुलाएका छैनन् । जसले ओलीलाई अझ मनोवैज्ञानिक दवाव दिएको छ ।