कडुना\नाइजेरिया । अफ्रिकी मुलुक नाइजेरिया संसारको सबैभन्दा असुरक्षित मुलुकमध्ये एक हो । यहाँ आतंकवादी समुह बोको हरामदेखि अनेक समुह सक्रिय रहेका छन् । नाइजेरियाको उत्तरपश्चिम कडुना प्रान्तको एउटा गाउँमा बन्दुकधारी लुटेराले २३ जना गाउँलेको हत्या गरेका छन् ।
स्थानीय संचारमाध्यमका अनुसार गाउँले माथि अन्धाधुन्ध आक्रमण भएको थियो । प्रान्तका सुरक्षा आयुक्त सामुएल अरुवानले यसको पुष्टी गरेका हुन् । नाइजेरियाको सेनाले आक्रमणकारीको खोजी थालेको बताएको छ । प्रान्तका गभर्नर नासिर एल–रुफाईले घटनाको निन्दा गरेका छन् । उनले लुटेरा समूह विरुद्ध सैन्य कारबाही तिब्र बनाउन सुरक्षा निकायहरुलाई निर्देशन दिएको समेत संचारमाध्यमले लेखेका छन् ।