वासिंटन डिसी । अमेरिकी निवर्तमान राष्ट्रपति डोनाल्ड ट्रम्पलाई लगाइएको महाअभियोग प्रस्ताव अमेरिकाको माथिल्लो सदन सिनेटमा पुगेर असफल बनेको छ । अमेरिकी संसद भवन (क्यापिटल हिल)मा हिंसा भड्काएको आरोप उनीमाथि छ । सोहीकारण आगामी निर्वाचनमा उनको उमेदवारी रोक्न ट्रम्पमाथि महाअभियोग लगाउनु पर्ने प्रस्ताव सिनेटमा पेस भएको थियो ।
सो प्रस्तावमा शनिबार भएको भोटिङबाट उनको महाअभियोग प्रस्तावको पक्षमा दुई तिहाई पुगेन । दुई तिहाइ बहुमत नपुगेपछि ट्रम्पमाथिको प्रस्ताव असफल भएको हो । ५७ सिनेटरले महाअभियोगको पक्षमा र ४३ सिनेटरले महाअभियोगको विपक्षमा मतदान गरे ।
दुई तिहाइ पुग्न ६७ मत पक्षमा आउनु पर्ने थियो । यसअघि संसदले जो बाइडनलाई नयाँ राष्ट्रपति निर्वाचित भएको घोषणा गर्ने दिन ट्रम्पका समर्थकले संसद भवनभित्र वितण्डा मच्याएका थिए । घटनामा दुई जनाको ज्यान गएको थियो ।