काठमाडौं । नेकपा विप्लव समूहले सरकारसँग वार्ता गर्न सकारात्मक रहेको जानकारी गराएको छ । शनिबार विप्लव समूहका महासचिव नेत्रविक्रम चन्द विप्लवले विज्ञप्ति जारी गर्दै यस्तो बताएका हुन् । आफूहरुको क्रान्ति अग्रगामी रुपान्तरण एवं जनसमुदायको हित र अधिकारलागि गरिएको सचेत पहल भएको उनको भनाई छ ।
यस प्रक्रियामा आम जनसमुदायमा सहज गतिविधि र कार्यक्रम गर्ने वातावरण बन्ने अवस्थामा आफ्नो पार्टी सरकारसँग सम्वाद र वार्ताका लागि सकारात्मक रहेको समेत उनले स्पष्ट पारेका छन् । सरकारले केही सातायता विप्लवसँग वार्ताको वातावरणका लागि पहल गरिरहेको थियो । सोही अनुसार विप्लव समुहले समेत वार्तामा आउने संकेत गरेको छ ।