काठमाडौं । नेपालले भारतबाट खरीद गरेको १० लाख डोज कोरोना खोप नेपाल आएको छ । आज एयर इण्डियाको जहाजबाट खोप नेपाल आएको हो । सरकारले दोस्रो चरणको खोप अभियान २३ फागुनबाट शुरु गर्दैछ । यसका लागि सरकारले भारतबाट खोप किन्ने निर्णय गरेको हो ।
नेपालले भारतको सेरम इस्न्टिच्युटसँग खोप किनेको हो । भारतबाट सरकारले २० लाख डोज किन्दैछ । त्यसमध्ये पहिलो खेप नेपाल आएको हो । यो खोप ६० वर्षभन्दा माथिका वृद्धवृद्धालाई लगाउने तयारी छ । यसबाहेक सरकारले खोप लगाउने प्राथमिकता अनुसार थप व्यक्तिलाई पनि खोप दिने निर्णय गरेको छ । त्यसमा सार्वजनिक यातायातका चालक र सहचालक परेका छन् ।
यसबोहक औषधि पसलमा कार्यरत, प्रयोगशालामा काम गर्ने अरु कर्मचारी र सफाइ कर्मचारीले भने अहिले नै खोप लगाउन सक्नेछन् । महाविद्यालयका प्राध्यापक, शिक्षक तथा कर्मचारी, सार्वजनिक यातायातका चालक तथा सहचालकले फागुन २३ गतेदेखि कोरोना खोप लगाउन पाउने छन् । यसअघि भारतले नेपालले १० लाख डोज खोप अनुदानमा दिएको थियो ।