अमृता के सि ( रोनी )
काठमाडौं/ गोकर्णेश्वर नगरपालिका वडा नम्बर ३ सुन्ताखानमा बृहत रक्तदान कार्यक्रम सम्पन्न भएको छ । सुन्ताखान स्थित वडा कार्यालयमा आयोजित रक्तदान कार्यक्रम सुन्ताखान युवा क्लब,स्वतन्त्र टोल सुधार समिति,लायन्स क्लब पंचशील,हात्ति पाइले महिला समुह,मल्लागिरि युवा क्लबको संयुक्त आयोजनामा शनिबार सम्पन्न भएको हो ।
अस्पातलमा दिनहु बढदै गएका बिरामीको चाप संगै रगत अभावको कारण धेरै दौड धुप गर्नुपर्ने सर्वसाधारणको समस्यालाई केही हदसम्म भएपनी समाधान गर्न सकियोस भन्ने हेतुले रक्तदान कार्यक्रम आयोजना गरिने गरिएको स्थानिय टोल सुधार समितीका अध्यक्ष्य जयराम बिष्टले बताए।अध्यक्ष बिष्टले एक वर्षमा चार पटक सम्म रक्तदान कार्यक्रम आयोजना गर्ने गरिएको समेत बताए ।
रक्तदान कार्यक्रममा गोकर्णेश्वर नगरपालिका वडा नं ३ का वडा अध्यक्ष राजेन्द्र कुमार भण्डारी,वडा सदस्य लक्ष्मी भण्डारी,स्थानिय संघ सस्था,महिला समुह लयायतको उपस्थिति रहेको थियो।उक्त रक्तदान कार्यक्रमबाट २५ पिन्ट रगत जम्मा हुनुको साथै रक्तदाताहरुलाई प्रमाणपत्र वितरण गरिएको आयोजकले जानकारी दिएको छ।
