काठमाडौं । युईएफ़ए च्याम्पियन्स लिग फुटबलमा स्पेनिस क्लव रियल मड्रिड र इलिंस क्लव म्यानचेष्टर सिटीले महत्वपूर्ण जित निकालेका छन् । अन्तिम १६ अन्तर्गत पहिलो लेगमा दुबै क्लवले जित हात पारेका हुन् । यस सँगै दुबै क्लवको सेमिफाइनल यात्रा समेत बलियो बनेको छ ।
रियल मड्रिडले एटलान्टामाथि संघर्षपूर्ण जित निकालेको छ । रियलले १० खेलाडीमा सिमित एटलान्टालाई १-० गोल अन्तरले हरायो। रियलको जितमा फेरल्याण्ड मेण्डीले ८६औ मिनेटमा गरेको गोल निर्णायक बन्यो । यो खेलमा एटलान्टाका रिमो फ्रेउलेरले खेलको १७औ मिनेटमा रातो कार्ड पाएका थिए ।
त्यसपछि १० खेलाडीमा सिमित भएपनि उसले रियललाई अन्तिमसम्म रोक्न सफल भएको थियो । यी दुई क्लवबीच दोस्रो लेग भने मार्च १७ मा हुनेछ । उता, अर्को खेलमा म्यानचेष्टर सिटीले बोरुसिया मोन्चेनग्लाडबाचमाथि २-० गोल अन्तरको जित निकाल्यो । सिटीका लागि बर्नान्डो सिल्भा र गाब्रियल जिससले गोल गरेका छन् ।