काठमाडौं । सांसद र संसद सचिवालयका कर्मचारीलाई कोरोना खोप लगाइने भएको छ । संसद बैठक २३ फागुनमा बोलाइएको छ । संसद सचिवालयका अनुसार स्वास्थ्य तथा जनसंख्या मन्त्रालयको समन्वयमा यसै साता सांसद तथा संसद सचिवालयका कर्मचारीलाई खोप लगाइने भएको हो । सचिवालयका अनुसार सांसद र कर्मचारीले फागुन १९, २० र २१ मा सिभिल अस्पताल पुगी खोप लगाउन सक्ने भएका छन् ।
२३ फागुनबाट भने नेपालमा दोस्रो चरणको खोप अभियान शुरु हुँदैछ । उक्त अभियानका दौरान जेष्ठ नागरिकलाई खोप वितरण गरिने भएको छ । सरकारले भारतबाट २० लाख डोज खोप खरीद गर्दैछ । त्यसमध्ये १० लाख डोज खोप नेपाल आइसकेको छ ।