कांग्रेस नेता जोशीको स्वास्थ्य अझै जोखिमपूर्ण

काठमाडौं । मस्तिष्कघातका कारण अस्पतालमा उपचारार्थ भर्ना भएका कांग्रेस नेता तथा पूर्वमन्त्री नवीन्द्रराज जोशीको स्वास्थ्य अवस्था अझै जोखिमपूर्ण रहेको अस्पतालले जनाएको छ । उनी फागुन १४ गते शुक्रबार नर्भिक अस्पतालमा भर्ना भएका छन् । अस्पतालका अनुसार उनको अवस्थामा गम्भीर छ । तर, मंगलबार भने स्वास्थ्य अवस्था स्थिर र जोखिमपूर्ण अवस्थामा रहेको छ ।

जोशीको भेन्टिलेटरमा उपचार जारी रहेको छ । जोशीको स्वास्थ्य अवस्थामा सुरुका केही दिन राम्रो सुधार भएको भए पनि शनिबारपछि भने मुटुको चाल र श्वासप्रश्वासमा समस्या आएको अस्पतालको भनाई छ । अहिले प्रतिमिनेट आठ, दश पटक मात्र सास फेरिरहेको चिकित्सकको भनाई छ ।