धादिङ । धादिङमा ट्रक दुर्घटनामा परी दुई जनाको मृत्यु भएको छ । जिल्लाको बेनीघाट रोराङ गाउँपालिकामा मंगलबार ट्रक त्रिशुली नदीमा खसेको प्रहरीले जनाएको छ । रुपन्देहीबाट सिमेण्ट लिएर काठमाडौंँतर्फ आउँदै गरेको लु १ ख ७७६३ नम्बरको ट्रक त्रिशूली नदीमा खसेको हो ।
दुर्घटनामा काभ्रेपलाञ्चोक, बनेपा नगरपालिका नालाका चालक ४५ वर्षीय विष्णु घिमिरे र सहचालक २८ वर्षीय सुमन सञ्जेलको ज्यान गएको हो । दुवैको ट्रकले थिचेर मृत्यु भएको पाइएको छ । त्रिशुली नदीमाथिको सडकमा अत्यधिक गतिमा चढ्ने सवारीसाधन दुर्घटनाको शिकार हुने गरेका छन् ।