काठमाडौं । आज प्रतिनिभिसभा बैठक बस्दैछ । यसअघि २३ फागुनमा बसेको बैठक कांग्रेस तथा जनता समाजवादी पार्टीको अवरोधपछि स्थगित भएको थियो । आज दिउँसो १ बजेका लागि बैठक बोलाइएको संघीय संसद सचिवालयले जनाएको छ । फागुन २३ गतेको बैठकमा सरकारले विभिन्न अध्यादेश पेश गर्न खोजेको थियो । सोहीकारण प्रमुख प्रतिपक्षी नेपाली कांग्रेस र जसपाले विरोध गरेका हुन् । आजको कार्यसूचिमा समेत अध्यादेश पेश गरिने भएको छ ।
कांग्रेसले असंवैधानिक अध्यादेश ल्याइएको भन्दै ती अध्यादेश संसदमा पेश हुन नसक्ने बताइरहेको छ । त्यसो त अदालतबाट नेकपा विभाजन नभएको अवस्थामा प्रचण्ड र माधव नेपाल समुहमा रहेका सांसदले समेत बैठक बहिष्कार गरेका थिए । अब एमाले र माओवादी केन्द्र भएको अवस्थामा सरकारको विरुद्धमा रहेका एमाले सांसदले के गर्छन् भन्ने विषय समेत चासोपूर्वक हेरिएको छ ।