काठमाडौं । जारी च्याम्पियन्स लिग फुटबलमा यो वर्ष पनि संसारका समकालिन महान खेलाडी लियोनल मेसी र क्रिष्टियानो रोनाल्डो मैदानमा देखिने छैनन् । यी दुबै टीम लिगको अन्तिम १६ बाटै बाहिरिएका छन् । प्रि–क्वाटरफाइनलको दोस्रो लेग अन्तर्गत बुधबार राति भएको दोस्रो लेगमा फ्रेन्च क्लब पेरिस सेन्ट–जर्मेन (पिएसजी) सँग १–१ को बराबरी खेलेको बार्सिलोना समग्रमा ५–२ को हारसहित बाहिरिएको छ ।
घरेलु मैदानमा पहिलो लेगमा बार्सिलोना ४–१ ले हारेको थियो । यो हार नै उसका लागि महंगो सावित भयो । बुधबार राति भएको खेलमा घरेलु टोली पिएसजीले ३० औँ मिनेटमा पाएको पेनाल्टीमा केलियन एमबाप्पेले गोल गरे । ३७ औँ मिनेटमा लियोनल मेस्सीले दर्शनीय गोग गरे । तर, त्यसपछि भने कुनै पनि टोलीबाट गोल हुन नसकेपछि पिएसजी विजयी भएको हो । पछिल्लो १४ वर्षमा पहिलोपटक बार्सिलोना अन्तिम ८ मा पुग्न असफल भएको हो ।