काठमाडौं । ब्राजिलमा कोरोना भाइरसको सङ्क्रमणले भयाभह रुप लिन थालेको छ । बिबिसीका अनुसार बुधबार यहाँ एकै दिन २ हजार मानिसको कोरोना भाइरसको संक्रमणका कारण ज्यान गएको छ । यो ब्राजिलमा कोरोना महामारीपछि पहिलो पटक भएको ठूलो मानवीय क्षति हो । यस दिन २ हजार २ सय ८६ जनाको मृत्यु भएको छ ।
कोरोनाबाट सबैभन्दा धेरै मानवीय क्षति अमेरिकामा भएको छ । त्यसपछि ब्राजिलले गुमाएको छ । कोरोनाका कारण ब्राजिलमा २ लाख ६८ हजार ३ सय ७० जनाको ज्यान गइसकेको छ । कोरोना भाइरसको नयाँ प्रकार अझ खतरनाक सावित भएको त्यहाँका चिकित्सकहरुले बताएका छन् । ब्राजिलमा लापरवाहीका कारण धेरैको ज्यान गएको आरोप लाग्ने गरेको छ ।