काठमाडौं । महिला सहकर्मीमाथि यौन दुर्व्यवहारको अभियोग प्रमाणित भएपछि नेपाली सेनाका सहायक रथी (बिग्रेडियर जर्नेल) पंकज कार्की बर्खास्त भएका छन् । सैनिक जनसम्पर्क निर्देशनालयले यसको पुष्टी गरेको नेपाली संचारमाध्यमले जनाएका छन् ।
सेनाको २८ नम्बर बाहिनी सिरहाका बाहिनीपति रहेका कार्कीलाई मातहतमा कार्यरत महिला सैनिकमाथि यौन दुर्व्यवहार गरेको अभियोग प्रमाणित भएको हो । उनलाई भविष्यमा सरकारी सेवामा अयोग्य नठहरिने गरी सेवाबाट बर्खास्त गरिएको सेनाको भनाई छ ।
कार्कीमाथि संयुक्त राष्ट्रसंघअन्तर्गत शान्ति स्थापनार्थ सुडानमा खटिंदा दुर्व्यवहार गरेको आरोप लागेको थियो । त्यसपछि अनुसन्धानबाट यसको पुष्टी भएको निर्देशनालयको भनाई छ ।
कार्कीमाथि यौन दुर्व्यवहारको आरोप लागेपछि छानविन गर्न सैनिक मुख्यालयले ‘कोर्ट अफ इन्क्वायरी’ गठन गरेको थियो। कोर्ट अफ इन्क्वायरीले कार्कीसंगै महिला सैनिकको समेत आचरणमा गलत मनशाय देखिएको भन्दै दुवै जनालाई बर्खात गर्नुपर्ने निर्णय सुनाएको छ ।