टोखामा एक युवक मृत अवस्थामा भेटिए

अमृता के सी ( रोनी )
काठमाडौँ,फागुन २९/टोखा नगरपालिका वडा नम्बर १ मा एक युवक मृत अवस्थामा फेला परेका छन्।शनिबार बिहान टोखा स्थित मालुङ्ग साङ्गला ढलान सडक नजिकै रहेको बाँसको झाँङ्गमा एक युवकको शव फेला परेको हो।मृतकको साथबाट मोरङ्ग बेलबारी स्थायी ठेगाना आशिष लिम्बुको नाम र वर्ष २५ रहेको परिचयपत्र फेला परेको प्रहरीले जनाएको छ।मृतकको मुखबाट रगत बगेको र शरिरमा निलडाम रहेको हुँदा हत्या भएको हुनसक्ने आशंका भएको प्रहरीले जनाएको छ भने प्रहरीले थप अनुसन्धानको काम अगाडी बढाएको छ ।