नेपाल अमेरिका पत्रकार संघका अध्यक्षद्धारा राजिनामा

न्युर्योक
कार्यकाल सकिन १० महिना बाँकी हुँदा नेपाल अमेरिका पत्रका संघ (नेजा)का अध्यक्ष सुदिप पन्तले राजिनामा दिएका छन् । झण्डै एक बर्ष अघि अमेरिकाको सियाटलमा भएको अधिबेसनबाट सर्वसम्मत चुनिएका अध्यक्ष पन्तले नेजा सचिबालयमा ईमेल मार्फत राजिनामा बुझाएका छन् । अध्यक्षको जिम्मेवारी बहन गर्न समय र पारिवारीक कारणले कठिनाई उत्पन्न भएको उल्लेख गरेका छन् । उनको अकस्मात आएको राजिनामाले कार्य समितीका पदाधिकारीहरु समेत आश्चार्यमा परेका छन् । आज आइतबार बस्ने कार्यसमितीको बैठकले अध्यक्षको राजिनामा स्विकृत गरे उपाध्यक्ष बिकासराज न्यौपानेले अध्यक्षको जिम्मेवारी सम्हाल्नेछन् । डेढ महिना अघि मात्र टेक्सासको ड्यालासमा साधारण सभा सम्पन गरेको नेजाले ग्रैह आवासिय नेपाली एनआरएनएको चुनाबी बहस समेत चलाएको थियो ।