दमाम । साउदी अरबमा वैदेशिक रोजगारीमा गएका कामदारले अब काम छाड्न चाहेमा मालिकको अनुमति चाहिने छैन । विदेशी कामदारलाई सहज हुने गरी साउदीले प्रणालीमा सुधार गरेको स्थानीय संचारमाध्यमले जनाएका छन् । साउदी अरबको मानव संशाधन तथा सामाजिक विकास मन्त्रालयले गत नोभेम्बरमा यस्तो कानूनको घोषणा गरेको थियो । यसको कार्यान्वयन भने आजबाट सुरु भएको छ ।
अब साउदीमा विदेशी कामदारले मालिकको अनुमतिबिनै साउदी आउन वा बाहिरिन सक्ने छन् । विदेशी कामदारले काम परिवर्तन गर्न चाहेमा समेत मालिकको पूर्वस्वीकृति अनिवार्य हुने छैन । साउदीमा अहिले एक करोड हाराहारी विदेशी कामदार रहेको अनुमान छ । उनीहरु सबैका लागि यो कानून मान्य हुन भएको हो । यसअघिको प्रावधानले विदेशी कामदारको हक खोसिएको भन्दै विरोध भएको थियो ।