काठमाडौं । राष्ट्रपति विद्यादेवी भण्डारीबाट सर्वदलीय बैठक आह्वान भएको छ । मंगलबार दिउँसो ४ बजे बस्ने गरी दलहरुलाई राष्ट्रपति कार्यालयले आमन्त्रण गरेको हो । बैठकमा नेकपा एमाले, नेपाली कांग्रेस, नेकपा माओवादी केन्द्र, जनता समाजवादी पार्टी, राप्रपा, नेपाल मजदुर किसान पार्टी र राष्ट्रिय जनमोर्चालाई निम्ता पठाइएको छ । बदलिँदो परिस्थितिमा दलहरुबीच तिब्र ध्रुविकरणका बीच बोलाइएको यो बैठकलाई महत्वका साथ हेरिएको छ ।
यसअघि प्रधानमन्त्री केपी शर्मा ओलीले समेत मंगलबार नै एमालेका केन्द्रिय सदस्यहरुका लागि चियापानको निम्ता दिएका छन् । उनी बिग्रिएको सम्बन्ध सुधार गर्न एमालेका वरिष्ठ नेता माधव कुमार नेपाल पक्षधरसँग आज पार्टी कार्यालय धम्बाराहीमै पुगेका भेट गरेका छन् । आजै उनले माओवादी केन्द्रका अध्यक्ष प्रचण्डलाई फोन गरी भेटको निम्ता दिएको बताइएको छ ।