कांग्रेस नेता नवीन्द्रराज जोशीको स्वास्थ्य अवस्था गम्भीर

काठमाडौं । पूर्वमन्त्री तथा नेपाली कांग्रेसका नेता नवीन्द्रराज जोशीको अवस्था गम्भीर बनेको छ । उनी मष्तिष्कघातपछि काठमाडौंको नर्भिक इन्टरनेशनल हस्पिटलमा उपचारार्थ भर्ना भएका छन् । जोशीको अवस्था गम्भीर रहेको साथै उनको भेन्टिलेटरमा उपचार भैरहेको अस्पतालको भनाई छ । उनी १४ फागुनमा अस्पताल भर्ना भएका हुन् । केही दिनको उपचारपछि उनको अवस्था सुधार आएपनि अवस्था फेरी गम्भीर भएको थियो ।