काबुल । अफगानिस्तानमा भएको सैनिक हेलिकोप्टर दुर्घटनामा ९ जनाको मृत्यु भएको छ । अफगानिस्तानको वार्दाक प्रान्तमा अफगान वायु सेनाको हेलिकोप्टर दुर्घटनामा परेको हो । बुधवार राति वार्दाक प्रान्तको बिहसुद जिल्लाको सो दुर्घटना भएको अफगान रक्षा मन्त्रालयले पुष्टी गरेको छ ।
यस दुर्घटनामा चार जना चालक दलका सदस्य र पाँच अफगान राष्ट्रिय सेना मारिएका मन्त्रालयले जनाएको छ । सेनाले दुर्घटनाबारे अनुसन्धान गरिरहेको समेत जनाएको छ । यसअघि नोभेम्बरमा समेत पूर्वी प्रान्त नान्र्गाहरमा सेना हेलिकोप्टर दुर्घटनाग्रस्त हुँदा अफगान वायु सेनाका दश सदस्यको ज्यान गएको थियो ।