काठमाडौं । उद्योगी किशोर प्रधान ओली समुहको नेकपा एमालेमा प्रवेश गरेका छन् । प्रधानसहित २३५ जना उद्योगी व्यवसायीलाई बालुवाटारमा आयोजित कार्यक्रम पार्टी प्रवेश गराइएको प्रधानमन्त्रीका प्रमुख आर्थिक सल्लाहकार मोतीलाल दुगडले बताएका छन् । आज प्रधानमन्त्री केपी शर्मा ओलीले खादा ओढाएर उद्योगी व्यवसायीलाई पार्टी प्रवेश गराएका छन् ।
एमाले प्रवेश गरेका प्रधान नेपाल उद्योग वाणिज्य महासंघको वरिष्ठ उपाध्यक्षमा दुईपटक पराजित भएका हुन् । उनी वर्तमान अध्यक्ष शेखर गोल्छा र वर्तमान वरिष्ठ उपाध्यक्ष चन्द्र ढकालसँग हारेका हुन् । प्रधानसहित सिताराम अग्रवाल, हितेश गोल्छा, पुनम ब्यास, कृष्ण प्रसाइँ, मदन मित्तल, अजय सरावगीसहितका उद्योगी व्यवसायी समेत एमालेमा छिरेको बताइएको छ । दुगडले प्रधानमन्त्रीको निकट रहेर उद्योगीहरुलाई पार्टी प्रवेश गराउन भूमिका खेलेका हुन् ।