काठमाडौं । सरकारले नेपालमा महँगा गाडी आयात गर्न लगाएको रोक हटाएको छ । यससँगै अब जुनसुकै मूल्यको गाडी समेत नेपालमा निर्धारित कर तिरेर ल्याउन पाइने छ । उद्योग, वाणिज्य तथा आपूर्ति मन्त्रालयको सिफारिसमा २५ फागुनमा बसेको मन्त्रिपषिद् बैठकले यस्तो निर्णय गरेको हो ।
यसअघि गत वर्ष नेपालमा कोरोना भाइरसको संक्रमण शुरु भएसँगै ५० हजार डलरभन्दा माथि मूल्यका सवारी साधन आयात गर्न नपाइने गरी रोक लगाइएको थियो । २०७६ चैत १६ को मन्त्रिपरिषद् बैठकले विदेशी मुद्रा सञ्चितिका लागि भन्दै महँगा सवारी र कृषि उपज आयात रोक्ने निर्णय लिएको थियो । कोरोनापछि पछिल्लो दुई महिनायता आयात कोरोनाभन्दा अगाडीकै अवस्थामा पुगेको छ ।