काठमाडौं । नेपालसहित तीन मुलुकबीच आजदेखि त्रिदेशीय फुटबल रिसिज हुँदैछ । पहिलो खेलमा आज बंगलादेश र किर्गिस्तान भिड्ने भएका छन् । नेपाल, बंगलादेश र किर्गिस्तान बीच पहिलो चरणमा एक अर्का विरुद्ध खेल हुने छ । त्यहाँबाट शीर्ष दुईमा रहने टोलीबीच फाइनल हुने छ ।
प्रतियोगितामा नेपालको नेतृत्व गोलकिपर किरण चेम्जोङले गर्दैछन् । नेपाली टोलीले लामो समयदेखि राम्रो तयारी गरेका कारण नतिजा राम्रो आउने अपेक्षा गरिएको राष्ट्रिय टिमका मुख्य प्रशिक्षक बालगोपाल महर्जनले बताएक छन् । नेपालले आफ्नो पहिलो खेल १२ गते बिहीवार किर्गिस्तानसँग खेल्नेछ ।
नेपालले दोश्रो खेल चैत १४ गते बंगलादेशसँग खेल्नेछ । १६ चैतमा फाइनल राखिएको छ । कोरोना भाइरसको महामारीपछि पहिलो पटक अन्तर्राष्ट्रिय खेलमा नेपाल सहभागी हुन लागेको हो । खेल दशरथ रंगशालामा हुँदैछ । खेल प्रत्यक्ष हेर्न भने साधारण र भिआइपी प्याराफिटमा टिकट काटेर उपस्थित हुन पाइने छ ।