कायरो । इजिप्टमा रेल दुर्घटनामा गरी कम्तिमा ३२ जनाको मृत्यु भएको छ । दुर्घटना शुक्रबार भएको हो । घटनामा ६६ जना घाइते भएको त्यहाँको स्वास्थ्य मन्त्रालयले पुष्टी गरेको हो । अन्तर्राष्ट्रिय संचारमाध्यमले जनाएका अनुसार घटनास्थलमा ३६ एम्बुलेन्स परिचालन भएका थिए ।
घाइतेको स्थानीय अस्पतालहरुमा उपचार जारी रहेको छ । प्रहरीका अनुसार दुई रेल एक आपसमा ठोक्किएर दुर्घटनामा परेको हो । इजिप्टको लुक्सोरबाट अलेक्सान्ड्रया तर्फ जाँदै गरेको र कायरोबाट अस्वानतर्फ जादै गरेको रेल एक आपसमा ठोक्किएको बताइएको छ ।
देशको दक्षिणी क्षेत्रमा पर्ने सोहाग प्रदेशमा दुर्घटना भएको हो । घटनास्थल राजधानी कायरोदेखि ४७६ किलोमिटर टाढा पर्ने बताइएको छ ।