इजिप्ट । स्वेज नहरमा अड्किएको एक विशाल कन्टेनर जहाजले ६ दिनदेखि अन्तर्राष्ट्रिय व्यापार ठप्प थियो । स्वेज नहर यूरोप र एसिया जोड्ने सबैभन्दा छोटो दूरीको समुन्द्री मार्ग हो । तर, यसै मार्गमा जहाज तेस्रो परी अड्किएपछि सयौं कन्टेनरको जाम लागेको थियो ।
यसले दुई महादेशबीचकै व्यापारमा प्रभाव पारेको थियो । अधिकारिहरुका अनुसार एक सातादेखि नहरमा फसेको कन्टेनर जहाज़लाई पानीमा तैराउने प्रयास गरिएको छ । जसलाई फसेको स्थान नहरको किनाराबाट हटाइएको छ । स्वीस नहर प्राधिकरणका अनुसार यो जहाज ४ सय मिटर लामो छ ।
यसलाई ८० प्रतिशतसम्म सिधा बनाउने काम भएको छ । जहाजलाई सिधा गराउने काम अहिले पनि जारी भने रहेको छ । यो नहरबाट दैनिक ९.६ अर्ब डलर बराबरको सामान आवतजावत हुने गरेको बीबीसीले जनाएको छ ।
समाचार एजेन्सी रोयटर्सलाई उदृत गर्दै बीबीसीले लेखे अनुसार जहाजको पछिल्लो भाग किनाराबाट ४ मिटरको दुरीमा थियो । अब यसलाई १ सय २ मिटर सम्म पर लगिएको छ । यो जहाजले कम्तिमा ३६५ अन्य जहाजलाई फसाएर राखेको छ । जसमा इन्धन, ग्याससहितका सामान लोड गरिएको छ ।