काठमाडौं । बुधबारबाट परेको वर्षापछि देशका अधिकांश स्थानको आकास खुलेको छ । काठमाडौंमा तुवाँलो हट्ने क्रम शुरु भएको छ । यस भेगमा धेरैजसो स्थानमा आज घाम लागेको छ । वर्षाले घुलो र धुँवासहितको तुवाँलो हटाएपछि हावामा मडारिएको प्रदूषण समेत कम भएको हो । यद्दपी पूर्णरुपमा प्रदूषण हट्न अझै केही दिन लाग्ने बताइएको छ ।
जल तथा मौसम विज्ञान विभागका अनुसार आज दिउँसोपछि पहाडी क्षेत्रको मौसम बद्ली भई केही ठाउँमा मेघगर्जनसहित हल्का वर्षाको सम्भावना छ । अन्य ठाउँमा भने मौसम सफा हुने छ । पानी नपरेको र सुख्खापन बढि भएका कारण देशका धेरैजसो क्षेत्रका लागेको आगोले हावामा धुँवाको मात्र बढी भएको हो ।