काठमाडौं । नेपाली कांग्रेसले प्रधानमन्त्री केपी शर्मा ओलीको राजिनामा माग्ने भएको छ । कांग्रेसले प्रधानमन्त्रीको राजीनामा माग्ने र आफ्नो नेतृत्वमा सरकार गठन गर्न अग्रसरता लिने गरी शीर्ष तहमा सहमति जुटाएको छ ।
पार्टी कार्यालय सानेपामा दिउँसो २ बजेका लागि बोलाइएको केन्द्रीय कार्यसमितिको बैठक रोकेर सभापति शेरबहादुर देउवा, वरिष्ठ नेता रामचन्द्र पौडेल, नेता कृष्णप्रसाद सिटौला लगायतबीच छलफल भएको थियो ।
यो छलफलपछि अन्ततः प्रधानमन्त्री केपी शर्मा ओलीको राजीनामा माग्ने र कांग्रेसकै नेतृत्वमा सरकार गठनको अग्रसरता लिने सहमति जुटेको कांग्रेस नेताहरुलाई उदृत गर्दै संचारमाध्यमले जनाएका छन् ।
सहमति जुटेपछि सुरु भएको केन्द्रीय कार्यसमितिको बैठकमा समेत सोही प्रस्ताव पेश भएको छ । बैठकबाट निर्णय भएसँगै कांग्रेसले प्रधानमन्त्री ओलीको राजिनामा माग्ने भएको छ ।