काठमाडौँ /गोकर्णेश्वर नगरपालिका वडा नं ८ अत्तरखेल स्थित ओसिस पार्टी प्यालेसमा गोकर्ण महिला सञ्जालकाको आयोजनामा उधोग व्यवसायबाट समाजमा पर्न सक्ने प्रभाव र वातावरणीय असर सम्बन्धी चेतनामूलक तथा अभिमूखिकरण कार्यक्रम सम्पन्न भयो । पाँच दिने चेतनामूलक तथा अभिमूखिकरण कार्यक्रमको समापन नगर प्रमुख सन्तोष चालिसेले शुक्रबार गरे ।
नगरपालिकाको आर्थिक सहयोगमा चैत १६ गते देखि चैत २० गते सम्म लगातार सञ्चालन गरिएको कार्यक्रममा करिव ५० जनाको सहभागिता थियो। महिला सञ्जालकी अध्यक्ष लक्ष्मी गिरिको सभापतित्वमा सम्पन्न कार्यक्रममा गोकर्णेश्वर नगरपालिकाका प्रमुख सन्तोष चालिसे, उप प्रमुख शान्ति नेपाल,प्रमुख प्रशासकीय अधिकृत रामप्रसाद आचार्य, गो न पा वडा ९ का अध्यक्ष राजिब थापा, गो न पा वडा नं. ८ का अध्यक्ष मनोज कुमार ढुंगाना, गोकर्णेश्वर नगरपालिका न्यायिक समितिको सदस्य सत्यभामा श्रेष्ठ, गोनपा ४ का वडा सदस्य जयराम महत , नेपाल मेडिकल कलेज ट्रेड युनियनका अध्यक्ष किरण के सी, समाजसेवी किरण बिष्ट, महिला सञ्जालकी सचिव अम्बिका पौडेल निरौला, गोकर्णेश्वर नगरपालिकाका विभिन्न संघ संस्थाका प्रतिनिधि,जनप्रतिनिधि साथै नगरवासीहरुको कार्यक्रममा उपस्थिती रहेको थियोे ।
कार्यक्रममा गुणस्तर तथा नापतौल विभाग बालाजुका केनिष्ट(अधिकृत)भवानी प्रसाद अघिकारीले उधोग व्यवसायले वातावरणमा पारेका नराम्रा मात्र होइन राम्रा कुराहरूको बारे बिस्तृत रुपमै बताउदै हामिले प्रयोग गर्ने सामान वातावरण मैत्री भयो भने वातावरण असर हुनुबाट जोगाउन मदत पुग्ने कुराको जानकारी दिए ।
कार्यक्रममा आफ्नो भनाइ राख्दै नगर उप प्रमुख साथै नगर प्रमुखले प्लास्टिकबाट धेरै नै फोहोर हुने गल्दा नि नगल्ने, बाल्दा पनि प्रदुषण हुने भएकोले नेपालमा वातावरणीय असर कम गर्न आफ्नै कार्यकालमा नगरलाई प्लास्टिक जन्य वस्तुहरुमा रोक लगाई प्लास्टिक मुक्त नगरपालिका बनाउन सबैलाई हातेमालो गर्न आग्रह गरेका थिए।
