काठमाडौं । दक्षिण कोरियामा बसोबास गरिरहेका विदेशी नागरिकको राहदानीको अवधि सकिएपछि भिसा स्वतः अमान्य हुने भएको छ । कोरियाली न्याय मन्त्रालयबाट आएको नयो नयाँ नियमबारे त्यहास्थित नेपाली दूतावासलाई समेत जानकारी गराइएको छ ।
दूतावासका अनुसार अब भिसा थप गर्न विदेशी नागरिकको राहदानकी अवधि पनि मिति गुज्रीएको हुनु हुँदैन । नेपाली राजदूतावासले सूचना जारी गर्दै यसबारे नेपाली समुदायलाई जानकारी गराएको छ ।
इपिएस माध्यमद्वारा इ नाइन भिसामा आउने नेपाली श्रमिकको शुरुमा तीन वर्षको सम्झौता हुन्छ । बाँकी एक वर्ष १० महिना प्रवेशाज्ञा थपिने गरेको छ । नयाँ नियमानुसार त्यसबेला राहदानीको अवधि कायम भएको हुनुपर्नेछ ।
अन्यथा भिसा थप नहुने र विदेशी कामदार घर फर्कनु पर्नेछ । यो नियम १ जुलाई २०२१ बाट कार्यान्वयनमा आउने भएको हो । कोरियामा एफ फाइभ, एफ टु फोर, जी वान सिक्स भिसाबाहेक अन्य भिसा लिएका विदेशी नागरिकको भिसा थप हुन अनिवार्यरूपमा राहदानीको अवधि हुनुपर्ने नियम ल्याइएको हो ।
पहिलो चरणमा विविध कारण तत्काल राहदानी नवीकरण गर्न नसक्ने कामदारका लागि भने कारणअनुसार आगामी डिसेम्बरसम्म मात्र भिसा थप हुन सक्ने दूतावासको सूचनामा उल्लेख छ ।