काठमाडौं । नेपालमा पेट्रोलियम पदार्थको भाउ पुनः बढेको छ । नेपाल आयल निगमले आज पेट्रोलियम पदार्थको मूल्य बढाउने निर्णय गरेको हो । निगमले पेट्रोल, डिजल र मट्टीतेलको मूल्य दुई, दुई रुपैयाँका दरले बढाउने निर्णय गरेको हो । निगमका प्रवक्ता विनितमणि उपाध्यायका अनुसार बढेको अब पेट्रोलको मूल्य प्रतिलिटर १ सय २० रुपैयाँ पुगेको छ ।
डिजल र मट्टीतेलको मूल्य १ सय ३ रुपैयाँ पुगेको छ । निगमले आन्तरिक हवाई इन्धन र एलपी ग्यासको मूल्य भने यथावत राखेको छ । मूल्य समायोजन भए पनि निगमलाई १५ दिनमा ८८ करोड रुपैयाँका दरले घाटा हुने निगमको दावि छ । अन्तराष्ट्रिय मूल्यमा भएको वृद्धिसँगै नेपालमा पनि बढाइएको निगमको भनाई छ ।