अमृता के सी ( रोनी )
काठमाडौँ /लायन्स क्लब इन्टरनेसनल डिस्ट्रिक ३२५ ए २ अन्तर्गतको लायन्स क्लब अफ नेपाल शेर्पाज र लायन्स क्लब हिमचुलीले शनिबार संयुक्त रुपमा सरसफाइ कार्यक्रम आयोजना गरे ।
गोकर्णेश्वर नगरपालिका र बुढानिलकण्ठ नगरपालिकाको सिमाना पर्ने जगडोल भञ्ज्याङ् देखि तारेभिर सम्म दुई संस्थाहरुले संयुक्त रुपमा बृहत सरसफाई कार्यक्रम सम्पन्न गरेका हुन्।यस अगाडि वन उपभोक्ता समूह र स्थानिय क्लबहरुले सरसफाइको व्यवस्थापन गर्दै आएको उक्त क्षेत्रमा यि दुई क्लबहरुले सरसफाई गरेका हुन् ।स्थानिय क्लब र वन उपभोक्ता समुहहरुले गर्दै आएको फोहोर व्यवस्थापन कार्यबाट प्रभाबित भएर उक्त सकारात्मक कार्यलाई साथ दिन कार्यक्रमको आयोजना गरेको प्रतिकृया आयोजक संस्थाले दिए। पर्यटकीय स्थल तारेभिर पदयात्रा लगायत उपत्यकाको तिनै शहर राम्रो संग देखिने भएकोले स्वदेशी तथा बिदेेशी पर्यटकको लोकप्रिय ठाउँ बन्दै आएको छ।लकडाउन पछि शान्त स्वच्छ जलबायुको खोजिमा तारेभिर सबैको थप रोजाइ बनेको छ।बिदाको दिन हजारौंको भिडले प्रयोग गरेका चिज वस्तुहरुले प्राकृति सम्पदा र स्रोतमा पारेका असरबारे सचेतना दिने होलिङ बोर्ड ठाउँ -ठाउँमा टासी करिब १० बोरा फोहोर संकलन गरेर फोहोर व्यवस्थापन गरेको कार्यक्रम आयोजक संस्थाहरुले बताएका छन् ।
