पाल्पाको तानसेनमा जिप दुर्घटना, दुई जनाको मृत्यु

पाल्पा । पाल्पाको तानसेनमा जिप दुर्घटनामा परी दुई जनाको मृत्यु भएको छ । लु २ च ६३२ नम्बरको कुखुरा बोकेको बोलेरो जिप दुर्घटनामा परेको पाल्पा प्रहरीले जनाएको छ । दुर्घटना गएराती साढे १२ बजे भएको हो ।

दुर्घटनामा चालक बगनासकाली–४ का विजय खाम्चा र रिब्दीकोट ४ का राज थापाको मृत्यु भएको छ । उनीहरुको युनाईटेड मिसन अस्पताल पाल्पामा उपचारका क्रममा ज्यान गएको हो । दुर्घटनाको कारण भने पत्ता लागेको छैन ।