काठमाडौं । कोरोना भाइरस विरुद्धको पहिलो खोप लगाएका व्यक्तिले ७ वैशाख २०७८ देखि दोस्रो डोज लगाउनु पर्ने भएको छ । स्वास्थ्य तथा जनसंख्या मन्त्रालयले तालिका सार्वजनिक गर्दै यस्तो जानकारी गराएको हो । आगामी वैशाख ७ देखि ११ गतेसम्म दोस्रो डोज वितरण हुने छ ।
पहिलो प्राथमिकताको पहिलो र दोस्रो चरणमा खोप लगाएका व्यक्तिले दोस्रो डोजको खोप लिन सक्ने भएका हुन् । यो खोप भने अहिले सरकारले भण्डारण गरी सुरक्षित राखेको छ । पहिलो चरणमा लगाएको खोपबाहेक अहिले भारतबाट थप खोप आएको छैन ।
चैत २५ बाट सरकारले चिनियाँ खोप वितरण गर्दैछ । चीनबाट आएको ८ लाख डोजमध्ये पहिलो चरणमा कम्तिमा ४ लाख डोज खोप लगाइने भएको छ । यता, पहिलो चरणमा खोप लगाएका व्यक्तिले दोस्रो चरणका लागि माघ १४ देखि फागुन १० गतेसम्म जुन खोप केन्द्रमा खोप लगाइएको हो सोही केन्द्रमा पुगेर खोप लगाउनु पर्ने भएको छ । खोप केन्द्रमा बिहान १० देखि ४ बजेसम्म लगाइन सकिने छ ।
यस्तो छ तालीका
