चितवन । आइतबार साँझ चितवनमा भएको ट्याक्टर दुर्घटनामा ज्यान गुमाएका ५ जनाको पहिचान भएको छ । चितवनको राप्ती नगरपालिका, भन्डाराको पहाडी क्षेत्रमा आइतबार साँझ भएको दुर्घटनामा उनीहरुको ज्यान गएको थियो ।
चितवन जिल्ला प्रहरी कार्यालयका अनुसार मृत्यु हुनेमा राप्ती नगरपालिका–५ का ३५ वर्षीय खड्क लामा, खैरहनी नगरपालिका–९ का ४० वर्षीय मगन महतो, राप्ती–४ का ४५ वर्षीय सीताराम श्रेष्ठ र खैरहनी–९ बैरहनीकी ५० वर्षीया छनिया महतो छन् ।
एक जना अन्दाजी २४ वर्षका पुरुष रहेको भएपनि उनको नाम नखुलेको प्रहरीले जनाएको छ । दुर्घटनामा ट्य्राक्टर चालक खैरहनी–७ मझुहीका २६ वर्षीय राजन चौधरी घाइते छन् । घटनामा एक दर्जन घाइते भएका थिए । उनीहरुको विभिन्न अस्पतालमा उपचार जारी रहेको छ ।