काठमाडौं । डोल्पामा लुकेको पर्यटकीय सौन्दर्यलाई उजागर गर्ने उद्देश्यले डोल्पो महोत्सव आयोजना हुने भएको छ ।
आगामी २४ भदौदेखि ५ दिनसम्म चल्ने गरी महोत्सव आयोजनाको तयारी गरिएको आयोजक डोल्पोबुद्ध गाउँपालिकाले जानकारी दिएको छ ।
गाउँपालिका र भिजन डोल्पोको संयुक्त आयोजनामा महोत्सव संचालन हुने भएको छ । डोल्पा रहस्यले भरिएको पर्यटकीय गन्तब्य हो ।
यसको माथिल्लो भेगलाई अहिले पनि निषेधित क्षेत्रका रुपमा राखी सरकारले पर्यटकबाट शूल्क र अनुमति दिएर मात्र भ्रमण गराउने गरिन्छ ।
महोत्सव अवधिभर स्थानीय कला संस्कृति प्रवद्र्धन, खानाको प्रवद्र्धन तथा लामा र गुरुहरुबाट धार्मिक प्रवचन समेत हुने बताइएको छ ।