रसुवा । रसुवामा टिपर दुर्घटनामा परी दुई जनाको मृत्यु भएको छ । एक जना वेपत्ता छन् । प्रहरीका अनुसार गएराति करिब एक बजे रसुवाको पासाङल्यामु सडकको स्याउबारीमा टिपर दुर्घटनामा परेको हो । मृत्यु हुनेमा कालिका गाँउपालिका १ का ग्राङ आधारभुत प्राथमिक बिद्यालयका प्रधानाध्यापक राजेन्द्र तामाङ तथा उनका भाई २९ बर्षीय सागर तामाङ रहेका छन् ।
जिल्ला प्रहरी कार्यालय रसुवाका अनुसार ग्राङबाट कालिकास्थानतर्फ जाँदै गरेको बागमती प्रदेश ०१००६ ख १६८८ नम्बरको खाली टिपर अनियन्त्रित भई सडकबाट करिव दुई सय मिटर तल खसेको छ । टिपरमा सवार एक जना यात्रु भने वेपत्ता रहेको र उनको खोजी भइरहेको प्रहरीले बताएको छ ।