काठमाडौं\एजेन्सी । कोरोना भाइरसको महामारीका कारण ब्राजिलमा एक दिनमै करीव ४ हजार मानिसले ज्यान गुमाएका छन् । अन्तर्राष्ट्रिय संचारमाध्यमहरुका अनुसार ब्राजिलमा पछिल्लो २४ घण्टामा मात्रै ३ हजार ७७४ जना कोरोना संक्रमितको ज्यान गएको छ । अब ब्राजिलमा कोरोनाले मृत्यु हुनेको संख्या ३ लाख ६५ हजार ९५४ पुगेको छ । यसअवधिमा ब्राजिलमा ८० हजार ५२९ जनामा कोरोना भाइरसको संक्रमण पुष्टि भएको वर्ल्डओमिटरको आंकडामा उल्लेख छ ।
उता, भारतमा समेत पछिल्लो २४ घण्टामा अर्को कीर्तिमानी संख्यामा संक्रमण पुष्टी भएको छ । यहाँ २ लाख १६ हजार ८ सय बढी कोरोना संक्रमित थपिएका छन् । सोही अवधिमा १ हजार १८३ संक्रमितको मृत्यु भएको छ । नयाँ संक्रमितसँगै भारतमा कोरोना संक्रमितको संख्या १ करोड ४२ लाख ८७ हजार नाघेको छ । भारतमा हालसम्म १ करोड २५ लाख ४३ हजार बढी संक्रमणमुक्त भएका छन् । भारतमा १ लाख ७४ हजार ३३५ कोरोना संक्रमितको मृत्यु भएको छ । भारतमा बढेको संक्रमणले जोखिम नेपालमा समेत बढेको हो ।