इजिप्टमा रेल पल्टिदा कम्तीमा ११ को मृत्यु, एक सय भन्दा बढी घाइते

कायरो । इजिप्टमा रेल दुर्घटनामा परी कम्तीमा ११ जनाको ज्यान गएको अन्तर्राष्ट्रिय संचारमाध्यमले जनाएका छन् । दुर्घटनामा ९८ जना घाइते भएको खबर छ । इजिप्टको राजधानी कायरोबाट उत्तरतर्फ पर्ने कालुबिया प्रान्तको बन्हा सहरमा आइतबार रेलको आठौं डिब्बा लिकबाट बाहिरिएको बताइएको छ । रेलको डिब्बा लिकबाट बाहिरिएपछि भएको दुर्घटनालगत्तै उद्दार शुरु गरिएको थियो । रेल नील नदीको डेल्टा सहर मनसउराबाट राजधानी कायरोतर्फ जाँदै थियो । दुर्घटनाको कारण भने पत्ता लागेको छैन ।