मुम्बई । भारत विश्वको ठूलो रेल सञ्जाल भएको मुलुकमध्ये एक हो । भारतको यातायातको मूख्य साधन पनि रेल हो ।
बढ्दो सञ्जाल, अधिक जनसंख्या र कमजोर व्यवस्थापनका कारण भने यहाँको रेल संजाल असुरक्षित बन्दै गएको छ ।
भारतीय संचारमाध्यमहरुले उल्लेख गरेअनुसार भारतमा दैनिक १० जना मानिसको मृत्युको कारण रेल बनिरहेको छ ।
बिहीबार मात्रै मुम्बईमा भएका छुट्टाछुट्टै दूर्घटनामा १५ जनाले ज्यान गुमाएका छन् । त्यो दूर्घटना रेल पल्टीएर नभई अधिक भिडभाड र रेलको लिक पार गर्ने क्रममा भएको भारतीय संचारमाध्महरुमा उल्लेख छ ।
भारतमा सवारी साधन र सडक अनुशासन कमै मात्र पालना हुन्छ । त्यसकारण पनि वर्षेनी ठूलो संख्यामा मानिसको ज्यान जाने गरेको छ ।
मुम्बई मात्र मात्र दैनिक ७५ लाख यात्रुले रेल सेवा प्रयोग गर्ने तथ्यांक रहेको छ ।
तथ्यांकअनुसार सन् २०१५ देखि २०१७ सम्म भारतमा रेल दुर्घटनामा परी करिब ५० हजार मानिसले ज्यान गुमाइसकेका छन् ।
भारतीय रेल संजाल विश्वकै चौथो ठूलो रेल संजाल हो । भारतमा डेढ लाख किलोमिटर रेल्वे ट्र्याक संचालनमा आइसकेको छ ।
भारतमा सन् १८५३ मै रेल संचालनमा आएको थियो । भारत बेलायतको उपनिवेश भएकै समयमा रेल संजालको ठूलो विकास भएको हो ।
एजेन्सी