४० वटा लायन्स क्लबहरुको संयुक्त आयोजनामा सेनिटाईजर र माक्स वितरण

अमृता के सी ( रोनी )
काठमाडौँ, बैशाख १२ ।
लायन्स क्लब इन्टरनेसनल डिस्ट्रिक ३२५ ए १ अन्तर्गतका करिब ४० वटा लायन्स क्लबहरुको संयुक्त आयोजनामा सेनिटाईजर र माक्स वितरण कार्यक्रम सम्पन्न भएको छ। कोभिड १९ को प्रकोपको दोश्रो चरण सक्रिय हुँदै गएको र सङ्क्रमित संख्या तीव्र रुपमा बढ्दै गएकोले बैशाख १० गते सुन्दरीजल प्रहरी प्रभाग, गोकर्ण प्रहरी प्रभाग, जोरपाटी प्रहरी बिट, नारायणटार ट्राफिक बिट,श्री जन जागृति मा वि र ग्राम सुधार विधालय लगायत विभिन्न ठाउँमा सेनिटाईजर र माक्स वितरण गरिएको हो । डाबर नेपालको सहकार्यमा शुक्रबार उक्त ठाउँहरुमा सेनिटाईजर र माक्स वितरण गरिएको थियोे।कार्यक्रममा सेकेन्ड भाइस डिस्ट्रिक गभर्नर लायन कर्म गुरुङ,जि एम टि डिस्ट्रिक कोडिनेटर लायन धर्म शरण श्रेष्ठ, जोन चियरपर्सन लायन राजेन्द्र कोइराला,रिजन चियरपर्सन लायन वियज कुमार श्रेष्ठ,डिस्ट्रिक चियरपर्सन लायन ठण्डराज ठकुरी, टिम एरिया लिडर लायन श्रीधर भण्डारी, लायन राजकुमार भण्डारी, लायन तिलक श्रेष्ठ, केदार प्रसाद चापागाईं, लायन जयराज श्रेष्ठ,लायन रोजिना बिष्ट, लायन अमृता के सी, लायन गोमा दाहाल, लायन मनोज सुबेदि, लायन राजु कर्माचार्य, लायन श्रीधर पौडेल लगायतका लायन्स लिडरहरुको उपस्थिति रहेको थियो।

“जहाँ आवश्यकता त्यहाँ लायन्स” भन्ने मुल नाराका साथ देशको जुनसुकै ठाउँमा समस्या आउँदा लायन्स क्लब अग्रपंक्तिमा खडा हुँदै आएको छ। दोस्रो चरणको कोरोना प्रकोप नियन्त्रण तथा रोकथामका लागि सचेतना जगाई लायन्स क्लब इन्टरनेसनल डिस्ट्रिक ३२५ ए १ का क्लबहरुले विभिन्न आवश्यक ठाउँहरुमा सेनिटाईजर र माक्स वितरण कार्यलाई निरन्तरता दिई रहेको छ।