विदेशबाट नेपाल आउने सबै व्यक्तिलाई अनिवार्य १४ दिन क्वारेन्टिनमा राख्ने सम्बन्धी निर्णय गर्न सिफारिस भएको छ । कोभिड–१९ संकट व्यवस्थापन केन्द्र (सीसीएमसी)को आज बसेको बैठकले हवाई मार्गबाट आउने सबैलाई क्वारेन्टिनमा राख्न सिफारिस गरेको हो । यसबारे मन्त्रीपरिषद्ले निर्णय गरेसँगै कार्यान्वयनमा आउने छ ।
अहिले क्वारेन्टिन व्यवस्थापनमा निगरानी हुन सकेको छैन । सोहीकारण विदेशबाट आउनेहरु निर्वाध घुमफिर गरिरहेका छन् । सीसीएमसीको आइतबार बसेको बैठकले नेपालमा ट्रान्सजिटका लागि मात्र आउनेहरुलाई समेत रोक्न सिफारिस गरेको नेपाली संचारमाध्यमहरुले जनाएका छन् । स्थलमार्गमा समेत कडाई गर्ने तयारी सरकारले गरेको छ ।