काठमाडौं । बिहीबारबाट शुरु हुने निषेधाज्ञाको समयमा समेत विदेशबाट आएको रेमिट्यान्स भने निकाल्न सकिने भएको छ । सरकारले अत्यावश्यक सेवा भित्र राखेका कारण रेमिट्यान्स, बैंक तथा वित्तीय संस्थाहरुको सेवा नियमित सूचारु हुने भएको हो ।
बैंक र बिमासँगै रेमिट्यान्स कम्पनी सूचारु हुने भएकाले सेवाग्राहीले विदेशबाट आएको रेमिट्यान्स ढुक्कसँग निकाल्न सक्ने नेपाल राष्ट्र बैंकले जनाएको छ । यद्दपी यी कम्पनीहरुले कारोबार गर्दा सुरक्षा सतर्कता भने अपनाउनु पर्ने छ ।
त्यसो त राष्ट्र बैंकले यसअघि नै सेवाग्राहीलाई सकेसम्म डिजिटल कारोबार गर्न आह्वान गरिसकेको छ । सम्बन्धीत बैंक तथा रेमिट्यान्स कम्पनीका कर्मचारीले कम्पनीको परिचय पत्रको आधारमै आवात जावत गर्न सक्ने छन् । काठमाडौं उपत्यकामा बिहीबार बिहानैबाट निषेधाज्ञा शुरु हुँदैछ ।